يها الهنوف اللي بياض بحمره

يها الهنوف اللي بيـاضٍ بحمـره
يامترفه خليتـي النـاس قسميـن
قسمٍ صبر كنّه على جـال جمـره
وقسمٍ يغنـي ليـل ياليـل ياعيـن
بعض العرب مهديك روحه وعمره
وأدنا لعينك ناس وأبعـد مواليـن
وضيّع وضاع وحار وإحتار فـأمره
همه يصفق حيـل وأنتـي تغنيـن
نام الضحى كله على شان سمـره
يرجي متى يمّـه بيـدّك تلوحيـن
نسى حياته وسـط لمّـه وزمـره
مايدري إنك عقب وصلـك تقفيـن
ومضت حياته بين طمره وطمـره
لالدّ للدانـي ولاشـاف الأقصيـن
همّه أناسـت ليـل بـدرٍ وقمـره
كسبان غي وخاسرٍ في الموازيـن
ينطر متى يقطف من العمر ثمـره
وتمضي عليه أيام وشهور وسنين
لاذاق عيـش .. ولاتنقّـذ بتمـره
عقب الغنى عقباه للفقـر والديـن
من البطاء ثوبه حصل فيه شمـره
لاساترٍ جسمـه ولا مالـي العيـن
والبطن من جوع الزمن فيه ضمره
والعقل فيه الهيس حـد الملاييـن
لو حط للنسيـان كـاسٍ وخمـره
يصحي على صوت البكاء والمعزيّن
ويها الهنوف اللي بياض بحمـره
من وين حتى وين ثمٍّ علـى ويـن

اتمنى ان يعجبكم

مرهـ رووووووووووووعهـ~

يسلموووووووووووووو~

يسلموووو كدوشــــــــــــــــــــــــه

يسلمووو